Fitorja dominuese e Brazilit ndaj Koresë së Jugut, “pushton” faqet e para të mediave sportive në ditën e sotme.
Ndjekim disa nga titujt kryesorë:
La Gazzetta dello Sport hapet me fitoren e madhe të Brazilit në raundin e 16-të të Kupës së Botës kundër Koresë së Jugut:”Brazili kërcen”. Kushdo që dëshiron të fitojë trofeun do të duhet të përballet me furinë dhe talentinin e ‘kërcimtarëve’.
Në Corriere dello Sport, një tjetër titull kushtuar Brazilit për Neymar dhe shokët e tij: “E mrekullueshme”, pas paraqitjes fenomenale kundër koreanëve.
Në Tuttosport, hapja fokusohet në momentin e Juventusit: “Hetimi po zgjerohet”, duke përfshirë edhe ekipe të tjera. Ndërkohë, bardhezinjtë janë rikthyer në stërvitje sot, duke gjetur një protagonist si Chiesa.
“Luani dhe kaloni” shkruan gazeta madrilene AS. Sot Iberikët përballen me Marokun në orën 16:00, ku synojnë me çdo kusht kalimin në çerekfinale.
Prestigjiozja franceze L’Equipe feston me Brazilin dhe spektaklin e kombëtares së artë me titullin e një kënge të famshme franceze të disa viteve më parë: “Alors on danse (Pastaj kërceni) ”.
