Një deputet turk u dërgua me urgjencë në spital pasi u godit me grushte gjatë një sherri në parlament.
Huseyin Ors, ligjvënës nga Partia e Mirë e opozitës së vendit, thuhet se u godit me grusht në fytyrë gjatë zënkës. Sherri ndodhi mes dhjetëra deputetëve të partisë në pushtet të presidentit Rexhep Tajip Erdogan dhe partive opozitare.
Deputetët goditën njëri-tjetrin, ndërsa të tjerë u përpoqën t’i ndajnë, shkruan Metro.co.uk.
Nuk është e qartë se çfarë e ndezi zënkën, por ajo ndodhi gjatë një debati për buxhetin e vitit të ardhshëm.
Tensionet në Turqi janë të larta përpara zgjedhjeve presidenciale dhe parlamentare të planifikuara për në qershor.
