Papa Françesku shpërtheu në lot, teksa lutej për paqen në Ukrainë gjatë një vizite tradicionale të Krishtlindjeve në statujën e Virgjëreshës Mari pranë Shkallës Spanjolle në Romë.
Në pamundësi për të folur, Papës iu desh të ndalonte për disa sekonda ndërsa filloi të përshkruajë luftën në vendin e Evropës Lindore dhe vuajtjet e popullit të tij.
“Do të kisha dashur t’ju kisha sjellë falënderimet e popullit ukrainas”, tha ai, përpara se të mbytej dhe të shpërthente në lot.
Turma e qytetarëve, besimtarëve dhe klerikëve që rrethuan papën filluan të duartrokasin pas një heshtjeje intensive për ta inkurajuar atë të vazhdojë.
Më pas Françesku e rifilloi lutjen nga ku e kishte lënë: …populli ukrainas, për paqen që i kemi kërkuar Zotit për kaq shumë kohë… Në vend të kësaj, unë duhet t’ju paraqes lutjet e fëmijëve, të moshuarve, nënat, prindërit dhe të rinjtë e asaj toke martire që po vuan shumë.
Papa ishte në vizitën e tij vjetore në Shkallët Spanjolle në qendër të Romës, e cila zhvillohet më 8 dhjetor, një festë kombëtare kushtuar Virgjëreshës Mari, nënës së Jezusit. Pas përfundimit të lutjes, papa përshëndeti turmën që ishte mbledhur në sheshin e famshëm romak.
Që nga fillimi i luftës midis Moskës dhe Kievit në fund të shkurtit, Papa Françesku ka përmendur Ukrainën në shumicën e fjalimeve të tij publike.
