Tre shtetas shqiptarë me inicale E.P. 48-vjeç banues në Dibër, P.E.57-vjeç dhe M.R 43-vjeç banues në Bulqizë janë vënë në prangat e policisë pasi akuzohen se kanë ushtruar dhunë psikologjike dhe fizike tek bashkëshortet e tyre.
Nga specialistët për Hetimin e Krimit në Komisariatin e Policisë Dibër dhe Bulqizë u bë arrestimi në flagrancë i dhunuesëve.
Njoftimi i Policisë:
Ushtruan dhunë psikologjike dhe fizike ndaj bashkëshorteve të tyre, arrestohen në flagrancë 3 shtetas.
Nga specialistët për Hetimin e Krimit në Komisariatin e Policisë Dibër, u bë arrestimi në flagrancë i shtetasit E.P., 48 vjeç, banues në Dibër. Ky shtetas, në banesë ka ushtruar dhunë psikologjike dhe fizike ndaj bashkëshortes së tij duke i shkaktuar dëmtime trupore.
Nga specialistët për Hetimin e Krimit në Komisaritin e Policisë Bulqizë, u arrestuan në flagrancë shtetasit P. E., 57 vjeç; dhe M.R.,43 vjeç, banues në Bulqizë. Dy shtetasit e lartëpërmendur kanë ushtruar dhunë psikologjike dhe fizike ndaj bashkëshorteve të tyre.
Materialet procedurale në ngarkim të shtetasve të lartëpërmendur i kaluan Prokurorisë për veprime të mëtejshme.
