Ish-presidenti i vendit, Ilir Meta, deklaroi këtë pasdite se arsimi është prioritet i Partisë së Lirisë. Meta tha se paratë që duhet të shkonin për studentët dhe pagat e pedagogëve, shkojnë tek oligarkët dhe PPP-të korruptive.
“Çështje e parë që duhet vendosur sot dhe në të ardhmen. Investimi më i rëndësishëm për të ardhmen e këtij kombi është ai në arsim dhe kulturë.
Do i japim prioritet të jashtëzakonshëm arsimit që sot është një sektor i nënfinancuar. Prioritet për qeverinë nuk janë studentët e mësuesit por oligarkët.
Paratë shkojnë për PPP, për rrugë që nuk bëhen kurrë. Atje shkojë paratë që vidhen që duhet të shkonin për pagat e pedagogëve, për studentët dhe përmirësimin e kushteve në universitetet tona.”-tha Meta.
