Ditën e sotme, Erisa Fero, punonjëse e Agjencia Kombëtare e Shoqërisë së Informacionit (AKSH), u arrestua pasi në automjetin e saj policia kapi 57 kilogram kanabis.
Ajo mbante postin e shefes kompjuterike në këtë institucion.
Por Fero duket se është frekuentuese e rregullt e jetës së natës, teksa më parë ka shpërndarë video në Tik-tok, ku shijon këngën e Aurela Gaçes.
“U tërbofsh, se na tërbove”, shkruan në etiketimin e videos 28-vjeçarja
Panorama raportoi më herët se droga ka qenë në automjetin e 28-vjeçares në momentin kur u ndalua nga policia. Ndërkohë në pranga janë vënë edhe dy persona të tjerë Likë Basha 30 vjeç dhe një person me iniciale M.K.
Mësohet se roli i tyre ishte të monitoronin rrugën gjatë transportimit të lëndës narkotike, në mënyrë që të shmangeshin kontrollet policore.
Në lidhje me këtë operacion, janë shpallur në kërkim edhe dy persona të tjerë, vëllezër me njëri tjetrin.
Ndërsa vitin e kaluar ajo është kallëzuar nga KQZ bashkë me 20 komisionerë të tjerë, pasi ishte anëtare e PS në një komision të numërimit të votave në KZAZ, ku dyshohet se rezultati i votave ishte falsifikuar.
20 komisionerët, mes të cilëve edhe 28-vjeçarja Fero, akuzoheshin se kishin hequr apo shtuar votat në kuti për kandidatët e partive të ndryshme.
