Sulmohet për herë të dytë brenda pak muajsh banesa e Altin Lamçes në Lushnje.
Mbrëmjen e sotme, persona ende të paidentifikuar kanë hedhur një sasi lëndë plasëse, e dyshuar tritol, në banesën e Lamçes, i cili ndodhej së bashku me pesë anëtarët e familjes së tij.
Për fat të mirë, nga shpërthimi nuk raportohet për persona të lënduar.
Kjo është hera e dytë që në banesën e Lamçes vendoset tritol. Në 1 nëntor të këtij viti, nga shpërthimi i tritolit në oborrin e banesës u shkatërrua makina si dhe u thyen xhamat.
Është ende e paqartë pse sulmohet banesa e Lamçes, pasi ky i fundit nuk njihet si person problematik. Lamçe merret me tregti fruta-perimesh, ndërsa banesa ku jeton është në pronësi të kunatit që prej vitesh ndodhet në Britani.
