Tre mjete janë përfshirë në një aksident rrugor në Lezhë, në afërsi të një pike karburanti. Deri tani nuk ka informacion për viktima, por vetëm për dëme materiale në të tre mjetet e aksidentuara.
Mësohet se shkak i përplasjes është bërë mosrespektimi i distancës së sigurisë së mjeteve. Të tre mjetet janë aksidentuar radhë njëri pas tjetrit, sapo makina e parë ka ndaluar.
Nga ngjarja është shkaktuar radhë në qarkullim dhe Policia Rrugore është detyruar të devijojë lëvizjen. Kjo për të mos krijuar bllokim total të qarkullimit, deri në përfundim të veprimeve hetimore dhe zhvendosjes nga rruga të mjeteve të aksidentuara.
