32-vjeçarja Orjana Gremi me aktin e saj të rëndë tronditi mbarë opinionin publik, pasi hodhi foshnjën e saj në lumin Kir.
Ndaj saj u vendos edhe masa “arrest në burg”. Gazetari, Senad Nikshiqi ka bërë një pasqyrim të ngjarjes së rëndë. Në një intervistë për “BalkanWeb” ai ka thënë se e reja ka pasur dilemë për ta mbajtur apo jo fëmijën.
“Ajo fillimisht ka vendosur ta mbajë fëmijën. Por më pas, 32-vjeçarja ka ndërmarrë aktin e rëndë, pa lindjes e ka mbështjellë foshnjën me një batanije dhe e ka lënë në lumin Kir. Në polici ka thënë se nuk ka pasur mundësi ta mbajë dhe kjo ka qenë edhe arsyeje që e ka lënë në lumë. Në gjykatën e shkallës së parë në Shkodër ku u mbajt seanca nuk ka folur asnjë falë dhe është shfaqur në gjendje të rënduar shëndetësore. Orjana jetonte me dajën e saj. Sa i përket babait të foshnjës është ende e paqartë se kush mund të jetë, pasi 32-vjeçarja nuk ka dhënë detaje rreth kësaj. Në gjykata ka qenë e pashoqëruar në gjykatë. Është mbrojtur nga një avokat i ofruar nga shteti”, ka thënë ndër të tjera gazetari Senad Nikshiqi.
