Një ngjarje e rëndë është shënuar ditën e sotme në Itali. Mediat italiane bëjnë me dije se një burrë dhe një grua të moshës 44- vjeç dhe 52- vjeç janë gjetur të vdekur në vilën në periferi të zonës Tran, ku ata banonin. Hetimet zbuluan se gruaja ishte vrarë me thikë nga burri, ndërsa tragjedia thellohet teksa ky i fundit pas krimit ka vendour të vrasë veten duke u vetëvarur në kopsht.
Policia po heton. Burri i gjetur i varur quhej Massimo Petrelli dhe ishte 52 vjeç, gruaja e goditur me thikë, 44 vjeçe quhej Teresa Di Tondo. Ata ishin të martuar dhe kishin një vajzë adoleshente. Mund të ketë qenë vajza e vogël ajo që ka thirrur për ndihmë, e cila mesa duket nuk ka qenë në shtëpi në momentin e vrasjes-vetëvrasjes së dyshuar. Petrelli punonte në një kompani të përpunimit të mermerit, gruaja e tij në një kooperativë aktive në sektorin social.
