Liverpool fitoi 0-1 në transfertë me Wolves për fazën e 1/32 në FA Cup dhe kalon në turin e radhës. Goli i Elliott në minutën e 13 vendosi ndeshjen, me djaloshin e të kuqve që lëshoi një “predhë” me të majtën nga jashtë zone. Trajektorja e topit ishte e çuditshme dhe gardiani Jose Sa e kishte të pamundur të ndërhynte.
Ndeshja e parë mes dy skuadrave përfundoi 2-2, duke u dashur mbrëmja e sotme në “Molineux Stadium” për kalimin e Liverpool në fazën e radhës. Në turin e radhës (1/16), Liverpool do përballet me Brighton. Kundërshtarët e të kuqve janë në formë të mirë në Premier League, duke u konsideruar si “Hirushja” e kampionatit.
