Emisioni “Me Xhaxhiun” ditën e sotme kishte në vëmëndje përmbytjet e Shkodrës. Brenda tre muajve të fundit, zona e Nën Shkodrës është përmbytur tre herë duke shkaktuar dëme të konsiderueshme për ekonominë e mijëra familjeve por edhe për infrastrukturën publike dhe mjedisin. Bashkia e qytetit në këto 20 vitet e fundit ka kërkuar një lloj kompensimi nga qeveria por së fundmi ka filluar të kërkojë një lloj kompensimi dhe nga korporata elektro-energjitke që sipas bashkisë është shkaktarja kryesore e përmbytjeve.
Ndërsa përfaqësuesit e qeverisë thonë se dëmet kompensohen nga fondet që bashkitë planifikojnë cdo fillim viti për rastet e emergjencave civile.
Alban Sekja, Drejtor i Bujqësisë në Bashkinë Shkodër na ka treguar më shumë rreth situatës aktuale që paraqitet në qarkun e Shkodrës.
“Janë rreth 1400 ha nën ujë në anën e Malit, 100 ha janë në zonën e Dajçit. Edhe pse rreshjet kanë pushuar vazhdojnë shkarkimet e hidrocentralit.
Përmbytja e fundit nuk ishte më e madhë se ajo që ndodhi më para. Akoma jemi në sezonin e dimrit dhe nuk e dim nëse do të ketë përmbytje të tjera.
Shkodra përmbytet kryesisht nga shkarkimi i hidrocentralit,” ka thënë Sekja.
