Komisioni Qendror i Zgjedhjeve ka kërkuar nga Komisioni Parlamentar për Reformën Zgjedhore që të plotësohet boshllëku ligjor për të bërë të mundur votën e emigrantëve.
Brenda kërkesës, kreu i KQZ, Ilirjan Celibashi, thotë se është detyrimi i Kuvendit të plotësojë këtë boshllëk ligjor brenda vitit.
“Plotësimi i boshllëkut ligjor në lidhje me votimin nga jashtë sa më shpejt të jetë e mundur, krijon kushtet objektive për KQZ Shqipëri për miratimin e akteve përkatëse nënligjore, si dhe përgatitjen e kushteve për realizimin e votimit nga jashtë për zgjedhjet e radhës për Kuvendin” thuhet në kërkesën e KQZ.
