Shtëpia e Bardhë ka mohuar një raport se drejtori i CIA-s William Burns i ka ofruar Presidentit rus Vladimir Putin një të pestën e territorit të Ukrainës për t’i dhënë fund luftës në vazhdim si pjesë e një plani paqeje të hartuar në emër të Presidentit Joe Biden.
Sean Davitt, zëvendës zëdhënësi në Këshillin e Sigurisë Kombëtare të Shtëpisë së Bardhë, i tha Newsweek se një raport nga gazeta zvicerane-gjermane Neue Zürcher Zeitung (NZZ) nuk është “i saktë” dhe se CIA do të thoshte të njëjtën gjë.
NZZ raportoi të enjten, duke cituar politikanë të huaj të rangut të lartë gjerman, se në mesin e janarit, Burns i prezantoi Kievit dhe Moskës një plan paqeje që do t’i jepte fund luftës, e cila filloi kur Putin pushtoi Ukrainën më 24 shkurt 2022.
Sipas gazetës, propozimi ofronte “rreth 20 për qind të territorit të Ukrainës” – sa përmasat e rajonit lindor të Ukrainës Donbas.
