Një tërmet i fuqishëm me magnitudë 7.7 është regjistruar në orët e para të mëngjesit në Turqi.
Kjo ka shkaktuar qindra viktima dhe të plagosur si dhe dëme të mëdha materiale.
Lëkundja ndodhi rreth orës 02:16, ndërsa epiqendra ishte në provincën juglindore të Gaziantep në kufi me Sirinë.
Për këtë ngjarje pati reagime të shumta e një i tillë nuk mungoi as nga artisti i njohur shqiptar, Capital T. Ai thekson se bashkëndjen me të gjithë popullin turk, duke iu referuar tërmetit shkatërrues që ndodhi në Shqipëri në vitin 2019.
“Bashkëndjejmë dhimbjen me këta njerëz sepse e provuam dhe e dimë si është. Zoti ju ndihmoftë”, u shpreh këngëtari.
Deri në këto momente është raportuar për mbi 500 viktima dhe mijëra të lënduar.
