Pas rastit tragjik të ditës së djeshme ku një 53-vjeçar humbi jetën teksa punonte, policia e Tiranës ka vënë në pranga dy persona.
Sipas policisë, është arrestuar inxhinieri dhe tekniku i firmës së ndërtimit. Kujtojmë se 53-vjeçari ndërroi jetë të enjten pasi ra aksidentalisht nga një lartësi në ambientin ku po punonte.
“Në përfundim të veprimeve të kryera për ngjarjen e ndodhur ditën e djeshme, në rrugën “Konferenca e Pezës”, ku dyshohet se aksidentalisht ra nga lartësia e pallatit në të cilin ishte duke punuar, shtetasi K. D., 53 vjeç, i cili si pasojë ndërroi jetë, specialistët për Hetimin e Krimeve të Komisariatit të Policisë Nr. 6 arrestuan shtetasit E. S., 41 vjeç, me detyrë inxhinier ndërtimi i firmës që po ndërtonte këtë pallat dhe E. B., 68 vjeç, me detyrë teknik ndërtimi i kësaj firme, të dy banues në Tiranë”, thotë policia në njoftimin e saj zyrtar.
