Ambasada amerikane në Tiranë u ka bërë thirrje qytetarëve amerikanë në kryeqytet të bëjnë kujdes me lëzijet e tyre në qytet, për shkak të protestës së paralajmëruar nga PD-ja, e cila pritet të zhvillohet rrerh orës 17:00 para Kuvendit.
Nëpërmjet një njoftimi zyrtar ambasada ka publikuar të dhënat mbi vendndodhjen e zhvillimit të protestës, akset e rrugëve që do të bllokohen, orarin dhe kontakte për ndihmë në rast incidenti, ndërsa këshillon qytetarët amerikanë të shmangin tubimet e mëdha.
Njoftimi i plotë
Vendndodhja: Bulevardi Dëshmorët e Kombit – Përballë Kuvendit
Rrugë të bllokuara: Rruga George Ë. Bush, Bulevardi Zhanh D’Ark dhe pjesë të mundshme të rrugës së Elbasanit.
Data/Ora: E hënë, 13 shkurt 2023, duke filluar nga ora 17:00
Ngjarja: Është planifikuar të zhvillohet një protestë para godinës së Kuvendit. Kjo protestë ka potencialin të përhapet në rrugët përreth duke shkaktuar bllokime të trafikut, devijime dhe mbyllje të rrugëve. Qytetarët amerikanë këshillohen të shmangin tubimet e mëdha. ndërsa shumë ngjarje të mëdha zhvillohen në mënyrë paqësore, situatat mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit.
