Kryetari i Partisë Demokratike i ka kërkuar Prokurorisë Speciale SPAK të nisë hetimet për kryeministrin Edi Rama në lidhje me çështjen McGonigal. Edhe pse shprehet se kjo prokurori duhet të hetojë kryeministrin, sërish e ironizon institucionin duke e quajtur “SKAP”.
Ish-kryeministri Sali Berisha nuk i ka ndalur akuzat ndaj kryeministrit Edi Rama edhe ditën e djeshme sa i takon çështjes së ish-agjentit të FBI-së McGonigal, i proceduar në SHBA për lidhje me oligarkët rusë dhe korrupsion. Ai ka takuar të paktën katër herë kreun e qeverisë shqiptare, takime të cilat nuk i ka deklaruar, ndersa ka ngritur edhe biznese në Shqipëri. Për këto dyshime dhe mbi një fakt se “Rama mund ta ketë përdorur McGonigal për të sulmuar opozitën”. Ai i ka kërkuar SPAK-ut që të nisi hetimet për kryministrin Edi Rama, i cili në aktakuza është përmendur disa herë.Berisha ka sulmuar sërish Prokurorinë e Posaçme Anti-korrupsion. Përmes një postimi në Facebook, kreu i Partisë Demokratike sulmon SPAK duke pyetur nëse është gjallë apo jo, pasi sipas tij Rama ka arritur të korruptojë zyrtarin e FBI-së për të ‘vrarë’ opozitën dhe ka minuar demokracinë, por ‘SKAP’, siç ai e quan ende nuk ka nisur një hetim për kryeministrin.“Korruptoi FBI-në, tentoi të vras opozitën dhe minoi demokracinë. A është gjallë Spak? Jo, jo është Skap”, shkruan Berisha.Opozita akuzon kryeministrin Edi Rama se ka paguar ish-zyrtarin e FBI-së, Charles McGonigal për të shkatërruar Partinë Demokratike. Sipas, opozitës Rama ka paguar McGonigal me 255 mijë dollarë përmes Agron Nezës. Por McGonigal thotë se ia ka marrë borxh Nezës.
Interpelanca dhe Komisioni Hetimor
Partia Demokratike e Sali Berishës, ajo që drejtohet nga Enkelejd Alibeaj dhe Partia e Lirisë në Parlament kanë kërkuar në interpelancë kryeministrin Edi Rama, e cila me kast është shtyrë nga Partia Socialiste. Mungesa e kryeministrit në Parlament e ka irrituar më shumë opozitën, e cila nëçdo seancë parlamentare ka bllokuar foltoren duke krijuar kaos. Edhe pse deputetët janë përjashtuar, protesta jashtë Parlamentit ju ka dhënë një tjetër zë për tëatakuar qeverinë Rama. Po ashtu kërkesa e opozitës për të ngritur një komision hetimor parlamentar është rrëzuar poshtë nga Konferenca e Kryetarëve.
