Belind Këlliçi ka publikuar disa foto nga takimet me banorët e Tiranës.
Me anë të një statusi në rrjetet sociale, Këlliçi thotë se pasuria më e madhe e Tiranës janë vetë qytetarët dhe kjo nuk duhet harruar.
Ai thekson se janë qytetarët që punësojnë kryebashkiakun dhe jo e kundërta.
“Pasuria më e madhe e Tiranës jemi vetë ne qytetarët e saj. Këtë nuk duhet ta harrojmë kurrë! Jemi ne që vëmë në lëvizje jetën ekonomike dhe shoqërore të vendit. Të gjithë bashkë kontribuojmë miliarda lekë që bashkia të na shërbejë. Kryebashkiaku është i punësuari ynë. Rolet nuk duhen ngatërruar. Ne vendosim cilin do të punësojmë e cilin do të largojmë nga puna. Jemi ne punëdhënësi, jo ai, jo bashkia!”, shkruan ai.
