Pas aksidentit masiv te “Ura e Tajvanit”, ku një autobus i Unazës mori para dhjetëra makina dhe qytetarë, ka reguar dhe kandidati i PD-së për Bashkinë e Tiranës, Belind Këlliçi.
Këlliçi i ka drejtuar gishtin kryebashkiakut Erion Veliaj, ndërsa shkruan se burimi i aksidentit është xhungla urbane me 1 milion banorë që nuk administrohet.
Gjithashtu ai ka theksuar se është e nevojshme që përveç ndërrimit të autobusëve dhe kompanive, duhet ndërruar edhe timonieri, duke nënkuptuar Erion Veliajn.
“Uroj me zemër shërim të shpejtë për të lënduarit në aksidentin e sapondodhur!
Jo një autobus, por krejt Tirana ka dalë nga korsia. Standardet e transportit publik kanë përfunduar me kohë në Lanë.Një autobus i lyer jeshil nuk ka lidhje me konceptin e transportit të gjelbër.
Burimi i aksidentit është xhungla urbane me 1 milion banorë që nuk administrohet, që nuk shtohet me rrugë por vetëm me pallate. Janë ndërruar autobusët dhe kompanitë. Ndërroni edhe timonierin”, shkruan Belind Këlliçi.
