Gazetari Lavdrim Lita foli për datën 3 mars, ditë kur do të zhvillohet protesta e PD-së dhe do të jepet vendimi i Gjykatës.
Në një intervistë për Euronews Albania, ai tha se protesta do të zhvillohet para Gjykatës dhe para kryeministrisë.
“Partitë nuk e pranojnë që Gjykata ka sovranitet dhe në një vend demokrat është një pushtet i ndarë.
Protesta e PD-së apo e Berishës do të ndahet në dy pjesë, një pjesë te Gjykatat dhe një pjesë te kryeministria.
Ne nuk mund të qortojmë SHBA pse e quajnë Berishën minues të demokracisë apo pengues të drejtësisë. Ata e vlerësojnë për këtë lloj logjike.
Gjykatat në Shqipëri janë të kërcënuara nga një sërë faktorësh, janë faktorë të brendshëm. Vendimi i Gjykatës më 3 do të jetë deçiziv për politikën.”- theksoi ai.
