Ministria e Infrastrukturës dhe Energjisë, dhe njëkohësisht zëvendëskryeministre, nga foltorja e Kuvendit është shprehur se mbledhja e sotme nuk është gjë tjetër veçse përpjekje e “non gratave” për të tërhequr vëmendjen nga një çështje tjetër.
Për sa u përket protestave të organizuara nga kreu i PD-së, Sali Berisha, është shprehur se protestuesit që kanë pasur i kanë humbur.
“Është përpjekje e non gratave për të tërhequr vëmendjen në një cështje tjetër. Si keni arritur të ridikulizoni PD, që protestat i ka patur si instrument për të mbledhur ata njerëz që humbnin, diku. Tashmë edhe atë e keni humbur totalisht. Narativën sot e keni ngritur për të mbuluar historinë e një partie që e kishit e bëtë fije fije, e shkatërruat dhe sot nuk dini ku keni as kokën e as këmbët. Shqiptarët e kanë të qartë kush është kufoma politike, Kush u ngrit nga varri për të na folur si konstadini. Tani ju flet Frojdi apo cfarë keni. Kush u thërrit nga varri këtë e dini shumë mirë. Nuk bëhet fjalë këtu as për Ramën as për PS, kalorësin e vdekur e keni në radhët tuaja. E dini shumë kush është varri”, u shpreh Belinda.
