Fati i PD-së/ Apeli “zhbën” Zhukrin, vula mbetet në xhepin e Alibeajt

113 563 lexime

124,178FansaPëlqeje

Gjykata e Apelit rrëzoi dje vendimin e Gjykatës së Shkallës së Parë të marrë nga gjyqtari Agron Zhukri, që njihte Sali Berishën si kryetar të PD-së.

Përfundimisht vula dhe logo e PD-së mbeti në duart e Enkelejd Alibeajt. Çështja rikthehet në Gjykatën e Shkallës së Parë ndërsa në zgjedhjet lokale Alibeaj do të dalë zyrtarisht me kandidatët e tij.

Pas tre orësh, gjyqtarët e Gjykatës së Apelit dhanë vendimin në favor të Enkelejd Alibeajt. Vula dhe logo e shumë debtuar mbetet sërish në dorën e “mashës” së Lulzim Bashës, Enkelejd Alibeajt.

Gjykata e Apelit me relatore Elona Mihali dhe anëtarë Astrit Kalaja dhe Irida Kacerja ka kthyer në gjykatën e Shkallës së Parë çështjen për vulën e Partisë Demokratike.

Sipas Apelit çështja do të kthehet për rigjykim në Shkallën e parë duke pranuar kështu ankimin e Enkelejd Alibeajt. E ndërsa gjykata e Shkallës së Parë e gjykon, Alibeaj do të regjistrojë Partinë Demokratike në Komisionin Qendror Zgjedhor për zgjedhjet lokale të 14 Majit. Avokatët e Alibeajt kanë dhënë të dy nga një prononcim për shtyp pas vendimit të shpallur nga Apeli.

Avokati i PD-së së Alibeaj, Indrit Sefa është shprehur se Apeli ka vendosur të pranojë ankimimin e Enkelejd Alibeajt, pra të zhbëhet vendimi i Zhukrit. Që do të thotë që çështja do të shkojë për rigjykim në Gjykatën e Shkallës së Parë Tiranë si dhe do të ketë një tjetër trup gjykuesish. Avokati tha se brenda këtyre ditëve Partia Demokratike e Alibeajt do të regjistrohet në Komisionin Qendror të Zgjedhjeve.

I pyetur nëse vendimi i Gjykatës së shkallës së parë mund të jetë i njëjtë me atë të Zhukrit, ai tha se nuk ka asnjë mundësi të jetë i njëjtë. “Sot (dje) gjykata vendosi rikthimin e cështjes në shkallën e parë, kërkesë e jona. Praktikisht u pranua ankimimi i Alibeaj kjo do të thotë që çështja do rikthehet në gjykatën e shkallës së parë dhe do ketë një tjetër trup gjykues.

Lexo edhe :  Rama ultimatum zaptuesve të Lungomares: Nga e hëna, s’do keni asgjë në dorë

Do regjistrohemi në Komisionin Qendror të Zgjedhjeve brenda këtyre ditëve”, tha ai. I pyetur se çfarë ndodh nëse merret i njëjti vendim sërish si Zhukri në të Shkallës së Parë, ai tha se: “Gjykata e Tiranës nuk ka asnjë mundësi të marrë të njëjtin vendim si Zhukri. PD ka organe legjitime të saj”.

Të fundit

Kush është zyrtari i lartë i administratës Trump që do të vizitojë Kosovën

Brendan Hanrahan, zyrtar i lartë në Byronë për Çështje Evropiane dhe Euroaziatike në Departamentin amerikan të Shtetit, ka njoftuar...

Referendumi në Prusinë Lindore dhe pasojat e dhunshme ndaj polakëve

11 korrik 1920 Më 11 korrik 1920, në krahinën e diskutueshme të Prusisë Lindore, u zhvillua një referendum i organizuar nga Lidhja e Kombeve, me...

Më shumë se ndërtesë

Nga Artan Shkreli … Spanja po ndërton një rrokaqiell (kullë) që kultivon ushqim, prodhon energji dhe pastron ajrin - të gjitha në të njëjtën kohë. Koncesioni, për...

Horoskopi ditor, 11 Korrik 2025

DASHI Mos e humbisni kohën! Pasioni është i pranishëm në këtë horoskop, por kini kujdes në marrëdhëniet me Peshqit dhe Bricjapin. Sa i përket punës,...

Krerët e shtetit, dueli fatal mes Aaron Burr dhe Alexander Hamilton

11 korrik 1804 Më 11 korrik 1804, ndodhi një nga episodet më dramatike dhe të përfolura të historisë politike amerikane: dueli mes nën-presidentit të atëhershëm,...

Lajme të tjera

Web TV