20-vjeçari Gerasimos-Iason Georgiadis, ndodhet në gjendje të rëndë në spitalin grek pasi shpëtoi nga përplasja tragjike e dy trenave në Tempa të Greqisë.
Mësohet se i riu është i vetmi i mbijetuar nga vagoni i parë i pasagjerëve që u përplas me atë të mallrave.
Kur dy trenat u përplasën ai u hodh nga dritarja dhe i shpëtoi shpërthimit dhe zjarrit.
Megjithatë i riu ndodhet në gjendje kritike për jetën. Deri më tani ka bërë dy operacione ndërsa mjekët nuk heqin dorë nga përpjekjet për ta shpëtuar.
