Videomesazhi i javës/ Veliaj: Shkollat e reja në Tiranë, krenaria ime më e madhe!

113 563 lexime

124,178FansaPëlqeje

Në videomesazhin e fundjavës, drejtuar qytetarëve të Tiranës, kryebashkiaku Erion Veliaj ia kushtoi arsimit, mësuesve dhe punës për transformimin e shkollave, çerdheve dhe kopshteve. Duke i uruar mësuesit për festën e 7 marsit, Veliaj tha se sot në kryeqytet, mësuesit, ashtu si edhe nxënësit, japin mësim dhe mësojnë në hapësira moderne.

“Punën transformuese e nisëm nga kujdesi për më të vegjlit. Ende e kam të freskët imazhin e ditëve të para, të çerdheve, të kopshteve, që ishin lënë në mëshirë të fatit, 4 vite pa përkujdesje dhe mirëmbajtje: mure me lagështirë, mobilje të vjetra dhe kushte skandaloze. E njëjta situatë edhe me shkollat, klasa të ftohta, pa ngrohje, të pasigurta, pa biblioteka, pa palestra. Në ato 4 vite të atij gjumi të gjatë, nuk u ndërtua asnjë shkollë në të gjithë qytetin e Tiranës”, u shpreh ai.

Sipas Veliajt, sot Tirana po kalon ditët më të mira e më të bukura në 103 vite kryeqytet. “Sot Tirana po kalon ditët më të mira e më të bukura në 103 vite kryeqytet dhe krenaria ime më e madhe në këto vite kontributi, janë shkollat e reja që kemi ndërtuar e rikonstruktuar në këto 8 vite. Në Tiranë është investuar kaq shumë në infrastrukturën e arsimit sepse ky ishte vizioni ynë: t’i lemë brezit të sotëm një pajë më të çmuar, që do t’i çojë drejt dijes, për ta çuar më lart Tiranën tonë dhe gjithë Shqipërinë. Sot kemi ndërtuar mbi 40 shkolla të reja. Një numër i tillë shkollash të reja, nuk ka ndodhur në 100 vitet e Tiranës si kryeqytet. Si për shkollat e qendrës, me po të njëjtën vëmendje ndërtuam edhe shkollat në periferi. Sepse për ne nuk ka rëndësi “ku”, por “kujt” ia ofrojmë përkushtimin dhe mundin tonë, dhe ata janë nxënësit, çunat dhe gocat e mrekulleshëm të Tiranës,” nënvizoi Veliaj.

Duke sjellë ndërmend se dikur dyert e shkollave mbylleshin me zilen e orës së fundit, kryebashkiaku tha se sot, shumica e shkollave janë kthyer në Qendra Komunitare, si hapësira të hapura, të sigurta për komunitetin dhe fëmijët tanë. “Kur mendoj në çfarë situate i gjetëm ato, se si nisëm këtë rrugëtim me shumë peripeci, them se kemi bërë një punë të paqme dhe kemi marrë vendimet e duhura për arsimin. Nuk jemi perfektë, por kemi bërë shumë! Dhe jo pa qëllim, kërkesat e prindërve për regjistrime në shkollat publike janë rritur, çka e bën të domosdoshme ndërtimin e shkollave të reja, të cilat do t’i hapim shumë shpejt, së bashku”, siguroi Veliaj.

Lexo edhe :  Zbulohet marrëveshja e Ramës dhe kryeministrit britanik, firmoset nesër në Tiranë

Ai tha se është punuar shumë edhe për rikonstruksionin e shkollave të tjera, kopshteve e çerdheve, si dhe terreneve sportive. “Janë shkolla që janë bërë falë mbështetjes të secilit prej jush, të dashur qytetarë, dhe për këtë unë ju jam shumë mirënjohës. Nëpërmjet taksës së infrastrukturës arsimore, që në fakt nuk ishte një taksë e re, ishte taksa e gjelbërmit, që për 4 vite mblidhej për pemë, ne thjesht vendosëm që me ato para, të ndërtonim shkolla, sepse besojmë që pemët, siç kemi treguar, mund t’i gjejmë dhe me donatorë dhe me kontribute private, ndërkohë që ai 150 lekëshi, më pak sesa një kapuçino, që ne e shpenzonim si taksë për pemët çdo muaj, sot është shfrytëzuar për të ndërtuar këto 40 e ca shkolla të reja dhe besoj se kemi bërë vendimin e duhur, duke mos rritur taksat, por duke përdorur një taksë të vjetër, për diçka që sot e marrim me kontribut vullnetar, dhe për ta kaluar atë në një shpenzim afatgjatë për arsimin në Tiranë”, sqaroi kryebashkiaku.

Ndërkaq, ai vuri në dukje se në këto 8 vite, përveç shkollave të reja, janë rikonstruktuar edhe 36 shkolla të tjera; janë ndërtuar 20 kopshte të reja dhe janë rehabilituar 34 të tjerë; janë bërë 9 çerdhe të reja dhe 22 janë rehabilituar. Po ashtu, janë ndërtuar dhe rehabilituar 70 palestra dhe terrene sportive në shkolla.

Të fundit

Osmani kritika BE-së: I keni hapur derën atyre që shkojnë te Putini dhe bllokoni Kosovën

Presidentja e Kosovës, Vjosa Osmani, ka lëshuar deklarata të forta në Tiranë ndaj BE-së ku ndodhet për të marrë...

Detaje nga ngjarja në Liqenin e Thatë/ 38-vjeçarja ishte e ulur në vendin e pasagjerit…

Detaje të reja janë mësuar në lidhje me ngjarjen e ndodhur pak më parë në Liqenin e Thatë, në Tiranë. Mësohet se 38-vjeçarja, e identifikuar...

Shenjat e vogla që jep një grua kur të do me gjithë shpirt

Nëse do të dish nëse një grua të do vërtet, mos kërko për gjeste madhështore apo deklarata si në filma. Psikologjia thotë se janë pikërisht...

Pas më shumë se 3 vitesh, Rusia dhe Ukraina pritet të takohen për bisedimet e para

Rusia dhe Ukraina do të takohen sot për bisedimet e tyre të para të drejtpërdrejta pas më shumë se tre vjetësh. Sipas mediave të huaja,...

Prestigjozja italiane: Pse kënga e Shqipërisë në Eurovision është një kryevepër e vërtetë

“Piccole Storie” një nga faqet më të ndjekura italiane, i ka dedikuar një shkrim 'Shkodrës Elektronike' për performancën spektakolare që dy artistët i dhuruan...

Lajme të tjera

Web TV