Familja e vrasësit serial, që i mori jetën tre grave në Tiranë kërkon mbrojtje nga policia e shtetit, pasi i frikësohet hakmarrjes, për shkak të lidhjes së gjakut.
Motra e Dan Hutrës është shprehur e friëskuar se familjarët e familjes Hysa mund të hakmerren për vrasjet që kreu vëllai i saj.
Dan Hutra, vrau më 1 mars me gjakftohtësi kunatën Hasime Dafkun dhe nusen e vëllait të ish-bashkëjetueses (Elena Hysa) si dhe plagosi këtë të fundit dhe nënën e saj. Gjithashtu ai vrau edhe Etleva Kurtin dhe plagosi me thikë të dashurën e tij si dhe i grabiti paratë.
Autori i masakrës, Dan Hutra, ishte liruar nga burgu vetëm dy javë më parë, pasi 8 muaj më parë kishte dhunuar Elena Hysën, ish-partnerja e tij.
Ngjarja e rëndë ndodhi në sy të të gjithë fqinjëve. Vetëm 8 muaj pas këtij rasti, etja e Dan Hutrës për gjak nuk u shua kurrë dhe ai i mori jetën kunatës dhe nuses së vëllait të ish-bashkëjetueses si dhe plagosi këtë të fundit dhe nënën e saj.
Në të njëjtën ditë ai plagosi të dashurën Marjana Gurakuqi dhe vrau Etleva Kurtin në Kamzë.
Dan Hutra u arrestua pas thuajse gjashtë orësh në kërkim, në Sharrë, dhe deklaroi para policëve se donte të bënte një vrasje tjetër.
