Avokati, Genc Gjokutaj ka folur për vendimin e KQZ në lidhje me regjistrimin e Partisë Demokratike në zgjedhjet e 14 majit.
Gjokutaj u shpreh se mashtrimet dhe falsifikimet kanë fund absurd duke theksuar se ankimi në Gjykatën e Apelit ndaj vendimit të Shkallës së Parë e ka bërë Enkelejd Alibeaj që nuk njihet si kryetar nga KQZ për tu regjistruar dhe për këtë arsye komisioneri i ka dhënë dy ditë kohë për tu firmosur nga Lulzim Basha.
“Imagjinoni që ankimi në Gjykatën e Apelit ndaj vendimit të Shkallës së Parë e ka bërë Enkelejd Alibeaj që nuk njihet si kryetar nga KQZ për tu regjistruar dhe për këtë arsye komisioneri i ka dhënë dy ditë kohë për tu firmosur nga Lulzim Basha.
Me firmosjen e Lulzim Bashës mbyllet dhe kapitulli i aktit të tradhëtisë që ka bërë Lulzim Basha dhe shërbimi që do ti bëjë mazhorancës për të krijuar imazhin e kryetarit të partisë ndërkohë që ai i ka pushuar tagrat e përfaqësimit së fundmi edhe me vullnetin e tij të plotë.
Edhe brenda pretendimit të tyre këta janë kapur sot si të paligjitimuar. Ata hiqen si dy kryetar, ku njëri thotë se ndihet se jam dhe jam, thotë Enkelejd Alibeaj se thotë se e ka marrë mandatin nga Lulzim Basha dhe Lulzim Basha që ka pushuar së qëni së fundmi dhe me dorëheqjen e tij dhe problemet që thashë.
Mashtrimet dhe falsifikimet kanë një fund të tillë një fund absurd ku kemi një vit që pretendohet se është Enkelejd Alibeaj kryetar i PD dhe KQZ na konstaton se Lulzim Basha është kryetar. Ndërsa Gjykata e Apelit nuk e konstaton që Alibeaj nuk është kryetar por e legjitimon si ankues në cilësinë e kryetarit”, shprehet Gjoktaj.
