Në konferencën me delegacionin e BE-së, kryeministri Edi Rama u shpreh se procesi i rrugës së anëtarësimit drejt BE-së ka qenë i vështirë dhe disa herë edhe i padrejtë.
Ai theksoi se Shqipëri sot nuk është më në fund të trenit të integrimit, por është në krye në këtë rajon ku roli ynë vlerësohet si model në aspektin e promovimit të paqes dhe dialogut.
Edi Rama: Dëshiroj që të shpreh mirënjohjen për të gjithë mbështetjen që kemi marrë në një proces që ka qenë i vështirë dhe në një periudhë kohe jo të shkurtër ka qenë i drejtë për shkak të konjukturave politike. Sot me mbledhjen për herë të parë të këshillit të stabilizimit dhe asociimit, ju na keni dëshmuar vullnet për të na mbështetur në këtë rrugë që është e çelur dhe e drejtë, por jo pa vështirësitë e veta.
Atmosfera e kësaj mbledhjeje ishte pozitive dhe kemi dakordësi të plotë në të gjithë boshtin e kësaj marrëdhënie strategjike.
Shqipëria sot nuk është më në fund të trenit të integrimit, por është në krye në këtë rajon ku roli ynë vlerësohet si model në aspektin e promovimit të paqes dhe dialogut.
