Policia vuri në pranga pesë persona dhe shpalli në kërkim dy të tjerë pas zbulimit të një tuneli me drogë në Krujë. Mësohet se në pranga kanë rënë shtetasit Haki Selimi, Rexhep Halili dhe Arlind Selimi si autorë të dyshuar të kësaj veprimtarie kriminale.
Të arrestuar janë edhe dy punonjës të OSHEE, Oltjan Farruku dhe Ervis Halili pasi kanë kryer lidhje të paligjshme të energjisë elektrike brenda tunelit me një shtyllë tensioni.
Ndërkohë në kërkim janë shpallur edhe dy punonjës të tjerë: Sokol Kullaj (përgjegjës grupi i OSHEE-së) dhe Erald Kullaj (elektriçist i zonës).
Doni të informoheni të parët për lajme ekskluzive? Bashkohuni me grupin tonë në Viber duke klikuar këtu.
Gjatë kontrollit u gjetën dhe u sekuestruan në cilësinë e provës materiale 390 bimë të dyshuara narkotike cannabis sativa, sistem ndriçimi me 30 llamba, 1 aspirator, 2 ventilatorë, 30 rritës të energjisë elektrike, si dhe pajisje të tjera që shërbejnë për kultivimin e bimëve narkotike.
