Robert Aliaj ka folur ditën e sotme gjerë e gjatë për eksperiencën e Kristit në “Big Brother”, raportin e tij me Keisin, takimin me Sabianin etj.
Në një intervistë me “Shqipëria Live” ai tha se të shtunën del Maestro teksa vlerësoi raportin Luiz-Kristi. Ja disa nga deklaratat e tij.
A është i hapur për të takuar Sabianin?
“E para, nuk ka një luftë që të jetë shpallur. Por, më duket absurde kjo pyetje sepse po e nisim bisedën nga bishti. Duhet ta kapim nga koka. Ata që e kanë në dorë duhet të bëjnë një hap.
Kjo gjë që bëjnë ata aty brenda unë nuk mund të dalë garanci e marrëdhënies së tyre sepse nuk e kam idenë se çfarë ndodh midis tyre. Nuk mund të bëj hapa idiote, e shoh pa vend pyetjen. Nuk ka ndodhur ndonjëherë që të lidhen prindërit para fëmijëve. Këto ndodhnin me mblesëri.”
Si e sheh raportin Kristi-Keisi?
“Është një lojë ku njerëzit mund të bien në dashuri. Është fakt sepse ka ndodhur. Nuk mund të marrim masa ndëshkuese për njerëzit që luajn aty. Është një moment i pastër emocional. Nuk e di në është dashuri, ndoshta do kohën, pjekurinë dhe vendin e duhur.”
Luizi, Kristi apo Armaldo kush del të shtunën?
“Kristi nuk del sepse është një profil shumë i veçantë aty. Del Maestro sepse nuk ka një luftë të argumentuar ose diçka. Ka vetëm përballje episodike. Nuk ka profil.”
Si i sheh debatet e Oltës me Kristin?
“Banorët përdorin elemente shantazhi kur u intereson. Po t’i kthehesh argumentit me të cilin ata fillojnë bëhen keq dhe fillojnë e qajnë. Shumë problem të futesh në një garë të tillë dhe të thuash “Kujdes me mua se jam mama”. Në këtë moment je i armatosur me diçka të fortë dhe tjetri është i çarmatosur. Nëse je futur në këtë garë je i barabartë.”
Po Luizi?
“Luizi me Kristin kanë një lloj kimie bashkë. Më pëlqen kur debatojnë. Janë të përmbajtur, nuk ofendohen. Kristi është një djalë që principet e besnikërisë, burrërisë dhe nderit i ka shumë shqiptare.
Unë e kuptoj lojën e Luizit, ata janë aty për të eleminuar njëri-tjetrin. Luizi është lojtar shumë i fortë dhe pabesia nuk është te loja, por te mënyra si i bëjmë ne gjërat. Shpesh vrasim edhe me detaje të vogla.”
