Më pak naftë, më pak taksa; qeveria “humbi” 5.2 mld lekë

113 563 lexime

124,178FansaPëlqeje

Në vitin 2022, Ministria e Financave priste të mblidhte 23.4 miliardë lekë nga taksa e qarkullimit, por arkëtoi 5.2 mld lekë më pak.

Kjo mungesë parash lidhet me konsumin e naftës në popullatë, i cili ra ndjeshëm vitin e kaluar.

Çmimet e larta në pikat e karburanteve bënë që qytetarët të braktisnin makinat ose t’i përdornin ato më rrallë, madje një pjesë e madhe e tyre blenë karburant në vendet fqinje.

Nga taksa e qarkullimit, qeveria ka mbledhur 18.2 mld lekë, 1 mld më shumë se në vitin 2020 kur qarkullimi u mbyll nga pandemia dhe 1.5 mld lekë më pak se në vitin 2021.

Të ardhurat nga taksa e qarkullimit zënë rreth 10% të shumës së përgjithshme që vilet nga tatimet. Taksa e qarkullimit mbi benzinën dhe naftë vilet në masën 27 lekë për litër.

Ajo ka për qëllim të grumbullojë të ardhura nga përdoruesit e transportit dhe vilet gjatë blerjes së karburantit, për çdo litër të konsumuar.

Fondet që grumbullohen nga tatimi janë shumë herë më të larta se buxheti vjetor për ndërtimin dhe mirëmbajtjen e rrugëve.

Sipas të dhënave zyrtare nga Ministria e Financave vitin e kaluar fondet e brendshme për investime në rrugë ishin16 miliardë lekë, duke përfshirë mirëmbajtjen dhe ndërtimin e rrugëve.

 

 

Të fundit

Emigranti nga Suedia ankohet: Vota ime në Shqipëri nuk është e fshehtë!

Një emigrant shqiptar që jeton në Suedi ka ngritur shqetësime serioze mbi procesin e votimit në Shqipëri, duke e...

“Nuk bëhet kryeministër dhe shton serbofobinë”, Lista Serbe akuzon Kurtin për provokim

Lista Serbe ka reaguar për hapjen e zyrave postare në Leposaviç dhe Zveçan, duke akuzuar kryeministrin në detyrë Kurti, për provokim dhe tentativë për...

“Askush nuk më ndalon dot”, intervista e rrallë e Donald Trump: Kisha shumë të korruptuar

Presidenti Donald Trump pranoi të jepte një intervistë me “The Atlantic”, kryeredaktori i së cilës, Jeffrey Goldberg, u përfshi pa dashje në një bisedë...

Futboll shqiptar, Pogradeci mund Besën dhe siguron finalen e “play-out”-it ndaj Tiranës

Pogradeci ka siguruar finalen e “play-out”-it ndaj Tiranës për një vend në “Abissnet Superiore”, pasi mposhti Besën në finalen e “play-off”-it të Kategorisë së...

“Vota për mua jua kthen lekët te xhepi”, Basha në njësinë 10: Kthejmë shpresën

Drejtuesi Politik i Koalicionit Euroatlantik, Lulzim Basha, i shoqëruar nga kandidatët për deputetë Neli Demi, Diana Toma, Irsida Shehi, ka zhvilluar takime me qytetarë...

Lajme të tjera

Web TV