Kreu i SPAK-ut, Altin Dumani, është shprehur se SPAK-u po kontribuon në zbardhjen e atentatit ndaj “Top Channel”.
Në një komunikim me gazetarët Dumani tha se organi që ai drejton është i gatshëm për të ndihmuar dhe për të vepruar nëse do të dalë diçka nga hetimet që po kryhen.
“Që në orët e para të mëngjesit, kam kontaktuar në telefon drejtorin e përgjithshëm të Policisë së Shtetit. I kam ofruar mbështetjen e plotë të strukturës së posaçme. Më ka thënë se po kryeheshin veprimet e para hetimore.
Kam vendosur të dërgoj në analizën e bërë në drejtorinë e policisë, një prokuror dhe oficer të policisë gjyqësore.
Megjithëse është çështje në kompetencë të prokurorisë së Tiranës, edhe ne jemi aty, po bëjmë veprimet tona, dhe nëse do dalë diçka, do kemi veprime”, ka thënë Dumani.
