Familjarët e viktimave të tragjedisë së Gërdecit nuk janë pranuar si palë në gjykimin e ish-ministrit të Mbrojtjes Fatmir Mediu, i cili është zyrtarisht në akuzë për ‘Shpërdorim detyre’ për tragjedinë e Gërdecit. Avokati Dorian Matlija, u shpreh se ky proces duhet të jetë me pjesëmarrjen e familjarëve.
‘Unë nuk e konsideroj të vlefshme këtë si procedurë. Familjarët e viktimave duhet të ishin aty. Do jemi prezent edhe në seancën tjetër. Do të paraqesim kërkesat tonë. Gjykimi i shkurtuar patjetër që do të pranojë kërkesën e të pandehurit. Ky proces do të jetë me pjesëmarrjen e familjarëve. Është investuar edhe Gjykata e Evropiane për të drejtat e Njeriut.’- tha avokati Demalia.
Nga ana tjetër, Zamira Durda, e cila humbi djalin e saj të vetëm 7 vjeç nga shpërthimi i Gërdecit është shprehur e indinjuar pas vendimit të GJKKO
Duke qenë se familja nuk është pranuar si palë në gjykim, Durda thotë se do të vijojë betejën e saj për drejtësi.
“Duhet të shkarkohet SPAK i gjithë. Zamira do vijojë betejën, është turp”, tha Zamira Durda.
