Një tragjedi është shmangur në qytetin e Selanikut në Greqi, ku një autobus me nxënës është përfshirë nga flakët.
Mediat fqinje raportojnë se ngjarja ka ndodhur në Metsovë, por fatmirësisht, nxënësit kanë arritur të zbresin me nxitim duke shpëtuar pa lëndime.
Zjarrfikësit kanë mbërritur më pas në vendngjarje por ka qenë shumë vonë për autobusin e shkollës së Selanikut që u shkrumbua plotësisht.
Kujtojmë se vetëm pak javë më parë në vendin fqinj, përplasja e dy trenave shkaktoi një tragjedi me mbi 50 viktima, pjesa më e madhe e të cilëve ishin studentë që po ktheheshin në Selanik pas një ekskursioni.
Mes viktimave ishin edhe pesë shtetas shqiptarë.
