Juventusi bëri detyrën në Torino ndaj Sportingut, triumf minimal 1-0, sukses ky mjaft i rëndësishëm në aktin e parë. Në minutën e 20-të, japonezi Morita tentoi nga distanca, por pa mundur dot të gjejë portën. Bardhezinjtë i falen portierin Szczezny pak më vonë, pasi “gardiani” i tha jo Coates, që iu afrua shumë golit. Wojciech Szczesny, i cili u detyrua të largohet nga fusha në lot për shkak të dhimbjeve që pati në gjoks, shkaktoi panik në stadium në fundin e fraksionit.
Goli i vetëm i takimit do vinte nga Gatti, në minutën e 73-të, me “Zonjën e Vjetër” që shkon e qetë në ndeshjen e kthimit.
