Ministrja e Mjedisit, Mirel Kumbaro ka bërë me dije masat e marra për bizneset gjatë sezonit turistik.
Kumbaro ka theksuar se muzika në lokale apo klube do të lejohet duke nisur nga ora 12:00 e drekës deri në orën 00:00 të natës.
Ministjra theksoi se do të ketë kontrolle të ceritifkuara dhe të kredituara. Policia e Shtetit do të marrë komptenecat për të kontrolluar aktivitete ekonomike që nuk i përmbushin këto rregulla.
Bashkitë do kenë detyrimin të zbulojnë se cilat janë ato zona, në të cilat mund të lejohet muzika e lartë edhe pas mesnatës.
“Nuk është e pamundur që të bashkëjetojnë jeta e natës por edhe paqja dhe qetësia. Nuk po shpikim rrotën por po ndjekim rregullat që ndjekin edhe vende të tjera BE”, ka thënë ndër të tjera ministrja.
