E vërteta e vdekjes misterioze të djalit të Stalinit, Jakov Xhugazhvili, në një kamp gjerman përqendrimi, është zbuluar më në fund nga historianët rusë. Për vite me radhë, gjermanët pretendonin se Xhugazhvili u qëllua nga rojat, teksa përpiqej të arratisej nga kampi Saksenhausen, ku ishte burgosur.
Gjermanët publikuan një foto që tregonte trupin e tij të mbushur me plumba në një gardh – një përpjekje e dukshme e dështuar arratisjeje. Thashethemet vazhduan se Jakov kishte kryer një vetëvrasje. Në vitin 2000, pas një hetimi 12-vjeçar, u konfirmur nga profesori John Erickson autoriteti sovjeto-gjerman i luftës, – se Jakov kishte vrarë veten.
Xhuigazhvili shërbeu si oficer i artilerisë në Ushtrinë e Kuqe, dhe u kap në fazat e hershme të pushtimit gjerman të Bashkimit Sovjetik, në betejën e Smolenskut. Gjermanët i propozuan Stalinit, shkëmbimin e Jakov me feldmarshallin gjerman Fridrih Paulus, por udhëheqësi sovjetik Stalini e refuzoi ofertën, duke thënë se “nuk do të liroj një marshall për një lejtnant”. Hitleri bëri edhe një propozim tjetër: të shkëmbente Jakovin me nipin e tij Leo Raubal, por as ky propozim nuk u pranua.
Kështu u zbulua se togeri i artilerisë ruse, u trondit dhe u ndje aq shumë i turpëruar nga lajmi i masakrimit të 15 mijë polakëve në Katin në vitin 1940 nga ana e babait të tij, saqë kreu vetëvrasje duke u vetë-hedhur në gardhin elektrik të kampit.
“Roja sigurisht qëlloi Jakovin katër herë,” – tha profesor Erickson, – “por tani dihet se ai qëlloi plumbat në trupin tashmë të vdekur të Jakovit… Ishte turpi i masakrës së Katinit që e solli atë në fund të lidhjes së tij… Edhe pse, në vitin 1977, ai u nderua pas vdekjes me Urdhrin e Luftës Patriotike të klasit të parë… vdekja e tij mbetet një tragjedi”.
Kalendar
14 Prill 1849 – Hungaria e deklaron veten të pavarur nga Austria, me Lajos Kosuth si udhëheqësin e saj.
14 Prill 1944 – Një shpërthim i madh në portin e Bombeit në Indi, vret 300 poersona dhe shkakton dëme ekonomike të vlerësuara në mbi 20 milionë paund.
14 Prill 1958 – Sateliti sovjetik “Sputnik 2” bie nga orbita pas një qëndrimin në hapësirë prej 162 ditësh. Ajo ishte anija e parë që mbante një kafshë të gjallë, një qen femër me emrin Laika , i cili ka gjasa të ketë jetuar vetëm pak orë pas shkëputjes nga toka.
14 Prill 1978 – Mijëra gjeorgjianë demonstrojnë në Tbilisi, kundër përpjekjeve sovjetike për të ndryshuar statusin kushtetues të gjuhës gjeorgjiane.
14 Prill 1988 – Në një ceremoni të Kombeve të Bashkuara në Gjenevë të Zvicrës, Bashkimi Sovjetik nënshkruan një marrëveshje me ane të së cilës premton të tërheqë trupat e saj nga Afganistani .
14 Prill 1999 – NATO bombardon gabimisht një konvoj të refugjatëve shqiptarë në Kosovë. Zyrtarët jugosllavë, pretenduan se në atë sulm u vranë 75 persona. NATO kërkoi publikisht ndjesë për incidentin.
