Ansu Fati mund të jetë një nga emrat e mëdhenj të merkatos së verës. Fjalët e fundit të babait të tij, që nënkuptojnë një shitje të mundshme, dhe nevoja e Barçës për të grumbulluar para të shtyjnë të mendosh se do të jetë një nga të sakrififikuarit e mëdhenj këtë verë.
Mediet spanjolle pranë klubit katalan sugjerojnë se Tottenhami do të ishte i gatshëm të realizonte blerjen më të shtrenjtë të historisë, duke investuar pikërisht tek Ansi Fati.
Për momentin, Barça dhe Ansu nuk do të flasin për të ardhmen. E vetmja siguri është se Barça i ka dhënë leje menaxherit të tij, Jorge Mendes, të studiojë tregun për të kuptuar se deri ku shkojnë ofertat e mundshme për sulmuesin.
Klubi “blaugrana” është i disponueshëm për të dëgjuar ofertat që plotësojnë edhe kërkesat e sulmuesit.
Tottenham dëshiron të bëjë një hap përpara në projektin e tij pas largimit të Antonio Contes. “Spurs”-at e kanë të qartë se duhet të forcojnë sulmin. Njëkohësisht duhet parë se çfarë do të ndodhë me Harry Kane, një futbollist që prej vitesh kërkon të largohet nga klubi londinez.
