26-vjeçari Giorgos Georgopoulos, gjeti vdekjen mëngjesin e të martës ndërsa ishte duke lëvizur në rrugë me një skuter elektrik.
Ngjarja ka ndodhur në zonën e Ampelas në Paros, të Greqisë, ku pak para orës 10:00 i riu përplas për vdekje nga një makinë që po i vinte përballë në një kryqëzim.
Drejtuesi i mjetit ishte një 60-vjeçar nga Shqipëria dhe është vënë menjëherë nën arrest.
Nëna e 26-vjeçarit është shpreshur se ndihet e shkatërruar nga ngjarja e dhimbshme. Giorgos ishte fëmija i saj i vetëm dhe ishte rritur pa baba. Shqetësimi i vetëm i nënës së tij ishte që ai të gjente një punë të mirë, gjë që ai e bëri.
I riu punonte në një hotel në Paros, atje shefi i tij i dha një skuter që ta përdorte për përditshmëri në ishull. Askush nuk do e mendonte që skuteri “do i merrte jetën”.
