Arsenal e bën dramë në “Emirates Stadium’ ku barazoi 3-3 me vendin e fundit të Premier Legaue, Southampton. Skuadra e Mikel Artetës dështoi të fitonte në shtëpi dhe rrezikon seriozisht vendin e parë të Premier League, teksa për të tretën dneshje në kampionat nuk arrin dot të fitojë.
Ndeshja nisi në dishezë për Arsenal teksa “The Gunners” pëuan gol që në minutën e parë. Një gafë e portierit Ramsdale bëri që Alcaraz të kalonte të tijtë në avantazh. Vetëm 13 minuta më pas, londinezët u ndëshkuan sërish teksa këtë herë ai që shënoi ishte një ish si Theo Walcott.
Megjithatë, topçinjtë u rikthyen në lojë teksa shkurtuan diferencat me anë të Gabriel Martinellit. Në vijim, të besuarit e trajnerit Mikel Arteta iu afruan golit të barazimit megjithatë miqtë rezistuan duke u futur në dhomat e zhveshjes me avantazhin 1-2.
Pjesa e dytë nisi më mirë për Arsenalin, që u fut në fushë me besim se mund të bënte më mirë, por ata që shënuna ishin sërish “shenjtorët”. Në të 66-ën, pas ekzekutimit të një goditje nga këndi, Ćaleta-Car goditi saktë me kokë, duke shënuar të tretin për Southamton. Në të 88-ën, Odegard arriti që të shënote të dytin për skuadrën e Artetës me një goditje të bukur nga distanca.
Një gol që ndezi shpresën se “topçinjtë” mund të merrnin diçka më tepër në këtë ndeshje. Në limitet e kohës së rregullt, Arsenal tregoi forcë karakteri, duke realizuar golin e barazimit, këtë herë Saka insistoi dhe u shpërblye.
Gjyqtari i katërt akordoi 8 minuta shtesë dhe topçinjtë, e rritën ndjeshëm presionin në portën e Southampton, por fati dënoi Trossard, i cili goditi traversën.
Në minutat e mbetura Southampton u mbrojt mirë, duke regjistruar një nga surprizat më të mëdha të këtij edicioni, që mund të ndikojë tek fati i titullit kampion.
“Topçinjtë” dridhen dhe ndjejnë presionin e Manchester City-t, që ndodhet 4 pikë larg me 2 ndeshje më pak, ndërkohë që ndeshja e radhës për Arsenal do të jetë në “Etihad” ndaj skuadrës së Pep Guardiolës, që mund të rezultojë dhe takimi më deçiziv për titullin kampion të Premier League, kampionatit më të jashtëzakonshëm në planet, e dëshmaur dhe në këtë përballje të javës së 32-të.
