Sipas studimit të fundit të OBSH 14,9% e të rriturve mbi 15 vjeç në vendin tonë kanë probleme të ndryshme me dhëmbët, ndërsa 33,7% e personave mbi 60 vjeç i kanë humbur të gjithë dhëmbët e tyre.
Stomatologia Ersida Calja tha në emision GoodMorning Albanians se përdorimi i lëndëve narkotike i dëmton dhëmbët.
Ajo tregoi se dentistët arrijnë ta dallojë që klienti është përdorues i drogës nga shkalla e dëmtimit të dhëmbëve, pasi kanë dëmtime gjenerale, edhe të mishrave të dhëmbëve edhe të smaltit.
“Përveç kësaj, ne kemi një komunikim privat me pacientin, që duhet të ndihet shumë komod me mjekun pasi gjithçka që thuhet në këtë komunikim duhet të mbetet aty”, tha stomatologia.
