Kryeministri Edi Rama zhvilloi sot në Eco Parkun në Porto Romano një takim me të rinjtë durrsakë. I shoqëruar nga ministrja e Shtetit Bora Muzhaqi dhe kryebashkiakja e Durrësit Emiriana Sako, Rama u tha të rinjve se së shpejti do të sjellë në qytetin bregdetar një nga akademitë më elitare të futbollit.
“Do të sjellim në Durrës një nga akademitë më elitare të futbollit, të një prej skuadrave më të fuqishme të botës. Nuk dua ta përmend emrin”.
Kreu i qeverisë deklaroi se ai dhe qytetarja e parë e qytetit të Durrësit janë shumë afër arritjes së marrëveshjes për sjelljen e akademisë rajonale.
E cila, sipas tij, do të jetë një derë e hapur për talentet që duan të përgatiten për arenën europiane. Rama premtoi edhe hapjen e një shkolle futbolli për fëmijët.
