Pas kryeministrit Edi Rama, kandidati i Partisë Socialiste për Bashkinë e Shkodrës Benet Beci nuk i ka rezistuar ritmeve të kolonës zanore të zgjedhur për fushatën e 14 majit.
Në një video të publikuar në rrjete sociale, Beci shihet mes të rinjve duke kërcyer tallava.
Fushata e socialistëve e cila u premtua të ishte pa bujë duket se i është dorëzuar këngës që u kthye në trend nga kryeministri që ka kërcyer me mbështetësit socialistë, duke bërë që edhe vetë kandidatët të imitojnë kreun e qeverisë.
