Sipas të dhënave të Inspektoratit të Punës në vitin 2022, në Shqipëri kanë humbur jetën në vendin e punës 32 punonjës, nga 184 aksidente që janë regjistruar në total gjatë vitit të kaluar.
Edison Hoxha drejtor i Qendrës për të Drejtat në Punë tha në emisionin GoodMorning Albanians se mosbesimi për të denoncuar dhe që do t’i zgjidhet një padrejtësi është në nivele shumë të larta.
Kjo pasi siç tregoi, punëmarrësit nuk kanë fituar në shumicën e rasteve kur kanë denoncuar punëdhënësit e tyre.
“Kemi raste në praktikë kur punonjësit hezitojnë të denoncojnë një shkelje në institucionet shtetërore sepse thonë se nëse do denoncojmë, do krijomë konflikt me punëdhënësin. Në një moment të mëvonshëm, punonjësit që janë përplasur me punëdhënësin për një të drejtë të tyre janë hequr nga punë, sidomos në privat por edhe në shtet”, tha Hoxha.
