Serbia ka shpallur tre ditë zie kombëtare për 8 nxënsësit dhe rojën e sigurisë të cilët u vranë në oborrin e një shkolle në Beograd pasi një 14-vjeçar qëlloi me armë zjarri në breshëri.
Ndërkohë bëhet me dije se në pranga ka rënë edhe babai i nxënësit të mitur që kreu masakrën që tronditi të gjithë Serbinë.
Në njoftimin e Ministrisë së Mbrojtjes në rrjetin social Facebook, thuhet se janë plagosur gjashtë fëmijë dhe një mësuese e shkollës, të cilët aktualisht po trajtohen në Qendrën Emergjente dhe Klinikën Universitare të Fëmijëve në Tirshovë.
“Të gjitha forcat policore ende janë në terren dhe janë duke punuar intensivisht për zbardhjen e të gjitha shkaqeve dhe rrethanave që kanë çuar deri te kjo tragjedi”, thuhet në deklaratën e MPB të Serbisë.
