Berisha: Në Beograd anulohen zgjedhjet, ktu qeverisin ata që bashkëpunuan me krimin

113 563 lexime

124,178FansaPëlqeje

Kryetari i Partisë Demokratike, Sali Berisha komentoi vendimin e detyruar të presidentit serb Aleksandër Vuçiç, për të anuluar zgjedhjet në Beograd dhe për ti ripërsëritur ato.

Gjatë protestës poshtë banesës së tij, lideri i opozitës theksoi se në Beograd anulohen zgjedhjet, kurse në Shkodër, në Durrës, Elbasan, Tiranë, vazhdojnë qeverisin kryebashkiakët që fituan në bashkëpunim me krimin.

“Ne jetojmë në një emergjencë, në një gjendje në të cilën të këqijat që gllabërojnë qenien tonë, pasuritë tona, rriten nga ora në orë, sepse regjimi i Edi Ramës, regjimi kriminal bëhet çdo orë dhe çdo ditë më i pamërishë ndaj shqiptarëve. Vendi, çdo orë dhe çdo ditë varfërohet nga vjedhjet e qeveritarëve. Ndaj dhe çdo orë dhe çdo ditë aksioni ynë pa kthim, beteja jonë pa kthim, mosbindja civile bëhen më emergjente më jetike, për fatin e Shqipërisë. Ju lutem, mendoni për një moment, çfarë ndodhi me zgjedhjet në Shqipëri. A nuk ishin ato zgjedhjet më të pabarabarta ndonjëherë në histori. A nuk u zhvilluan ato zgjedhje në kushtet kur njëra palë me 61 kandidatë mori disa milionë euro financime shtetërore. Kurse pala tjetër, kundërshtare dhe armike nuk mori asnjë qindarkë. Kryetarit të saj nuk ju regjistrua emri. Ju ndryshua qendra e votimit 1.3 mln votuese, megjithatë vazhdojnë kryetarët e zgjedhur mbi krimin të qeverisin Shqipërinë në të katër anët”, tha Berisha nga protesta e mbajtur poshtë banesës së tij.

Lideri i opozitës u ndal edhe te afera e inceneratorëve, duke akuzuar Edi Ramën dhe Erion Veliajn, se kanë shpenzuar 200 milionë euro nga buxheti i shtetit me firmën e tyre dhe asnjë incenerator nuk punon. Ai akuzoi edhe prokurorët e SPAK, duke u shprehur se “Dumanët ushqehen si derra me paratë e vjedhura”.

Lexo edhe :  I dehur në timon përplasi për vdekje 24-vjeçaren, burg pa afat për Jetmir Dacin

Kreu i demokratëve, Sali Berisha foli edhe për dënimin nga SHBA të pronarit të Gunvorin, rusin Timçenko, i lidhur me kryeministrin Edi Rama dhe i njohur si miku i presidentit rus Vladimir Putin. “SHBA dënoi me 660 mln dollarë mikun e Ramës, pronarin e Gunvorit, rusin Timçenko. Po në Shqipëri çfarë marrëveshje sekrete ka bërë me të?’, u shpreh Berisha gjatë protestës./O.S

Të fundit

Shkrirja e akullnajave lehtëson ardhjen e specieve pushtuese

Shkrirja e akullnajave hap rrugën për ardhjen e specieve pushtuese që mund t'i vënë në vështirësi speciet vendase. Gjeorgjia e...

Tabela trigonometrike e topografëve nga 3700 vjet më parë

Një pllakë balte babilonase e zbuluar një shekull më parë ka zbuluar misteret e saj: është tabela më e vjetër trigonometrike, e përdorur nga...

Dalja befasuese e Henry Winter një shenjë e evolucionit të thyer të mediave të futbollit

Shkrimtari i Times ndoshta gjëja më e afërt që gazetaria e futbollit kishte me një personazh të famshëm, por loja dhe mënyra se si...

Arsimi ishte lehtësisht i arritshëm për personat me aftësi të kufizuara gjatë Covid

Pandemia tregoi se mësimi në distancë është efektiv. Është absurde që universitetet po kthehen në procese që na përjashtojnë Rosie Anfilogoff Rruga ime për në universitet...

Kharkiv rrezikon të bëhet ‘Alepo i dytë’ pa ndihmën e SHBA-së

Banorët e qytetit të dytë të Ukrainës tregojnë për ndikimin e sulmeve në rritje ruse që synojnë periferitë dhe furnizimet me energji elektrike Dan Sabbagh/...

Lajme të tjera

Web TV