Shkencëtarët kanë ngritur alarmin për ndikimin e të nxehtit ekstrem në oqeane. Një oqeanogrof në Aministratën Kombëtare të Oqeanit dhe Atmosferës ka zbuluar se nxehtësia e sipërfaqes së oqeanit aktualisht është në nivele rekord. Temperaturat filluan të rriten në mes të marsit, duke vijuar edhe në javët në vazhdim.
“Është e jashtëzakonshme,” tha Gregory C. Johnson, një oqeanograf në Administratën Kombëtare të Oqeanit dhe Atmosferës.
Nxehtësia e arritur këtë vit në sipërfaqen e oqeaneve ka thyer rekordin e para 7 viteve. Matheë England, profesor i dinamikës së oqeanit dhe klimës në Universitetin e Uellsit të Ri Jugor, Australi tha se duke patur parasysh se sa nxehtësi nevojitet për të ngrohur oqeanin, kjo është një sasi masive energjie.
Çfarë fshihet pas kësaj rritjeje të shpejtë të nxehtësisë në Oqeanë? “Këto temperatura sapo u rritën, nuk e kemi patur mundësinë për t’i hulumtuar,” tha Johnson.
Disa shkencëtarë kanë shprehur shqetësimin se shkalla e këtyre të dhënave të reja mund të shënojë fillimin e një tendence alarmante. Të tjerë thonë se temperaturat rekord si këto janë gjithmonë shqetësuese, por të pritshme duke pasur parasysh krizën klimatike të shkaktuar nga njerëzit, shkruajnë mediat e huaja.
Të gjithë pranojnë se pasojat mund të jenë të një rëndësie të madhe. Oqeanet më të ngrohta zbardhin koralet, vrasin jetën detare, rrisin rritjen e nivelit të detit dhe e bëjnë oqeanin më pak efikas në thithjen e ndotjes nga ngrohja e planetit, sa më të ngrohta të jenë oqeanet, aq më shumë planeti do të ngrohet.
