Kryetari i Partisë së Lirisë Ilir Meta, në një konferencë shtypi, u ka bërë thirrje qytetarëve që të marrin pjesë masivisht në votime në zgjedhjet vendore të 14 Majit.
Meta thotë se dalja në votime është detyrim qytetar por edhe detyrë patriotike, sipas tij.
“Sot dua t’u kërkoj të gjithë qytetarëve të përmbushin detyrimin e tyre jo vetëm qytetar, jo vetëm kushtetuese, por mbi të gjitha patriotike në këto momente kritike që ka kaluar vendi ynë për të shprehur vullnetin e tyre të lirë dhe sidomos për të kuptuar se abstenimi nuk është zgjidhje, përkundrazi është ndihma më e madhe që i jepet një bande që të vazhdojë të plaçkisë Shqipërinë, të zhysë vendin tonë në borxhe të cilat do t’i paguajnë gjeneratat e ardhshme.
Të gjithë duhet të bëhen pjesë e ndryshimit. Ai që nuk voton nuk ka të drejtë as të ankohet nesër. Akoma më keq ai që tregton votën e tij.
Jam besimplotë se qytetarët shqiptarë e kanë bërë zgjedhjen e tyre dhe do marrin pjesë në mënyrë masive në zgjedhjet e 14 Majit”, tha Ilir Meta.
