Deputeti i Partisë Demokratike, Tritan Shehu ka treguar rrugën se si mund të mundet Edi Rama.
Në Euronews Albania, Shehu tha se shembullin konkret e dha rasti i Himarës, ku u arrestua dhe u byrghos Fredi Beleri, kandidati i “Bashkë Fitojmë” dhe kryebashkiaku i ri i zgjedhur më 14 maj.
Sipas Shehut, Himara tregoi se kjo qeveri mundet vetëm me presion nga lëvizja popullore.
“Ngjarjet në Himarë treguan shumë. Treguan që vetëm nga presioni tërhiqet ky regjim. Ishte presioni i Greqisë atje që e tërhoqi këtë regjim. Imagjinoni çmund të bëjë presioni Iëvizjes popullor shqiptare kur të shpërthejë. Prandaj ne duhet të mendojmë për lëvizjen popullore shqiptare që të krijojë këtë presion.
Do shikohet rast pas rasti çfarë ka ndodhur dhe pastaj ne do të dalim në konkluzione. Unë mund t’iu them se në Memaliaj fituam thellë pasi u organizuam mirë dhe mundëm ta përballonim mirë presionin e qeverisë.
Këlcyra humbi vetëm nga paterica e Ramës që vodhi votat e demokratëve dhe bëri të fitojë socialisti dhe jo Kasaj që është nëj djalë i shkëlqyer. Në Libohovë ne humbën me një betejë dinjitoze me pak vota, vetëm sepse u bë një presion i madh”, tha Shehu.
