Fituesi i “Big Brother VIP 2”, Luiz Ejlli, ishte i ftuar në podcast-in e kryeministrit, Edi Rama. Këngëtari i njohur ka folur që nga fëmijëria, pjesëmarrja te “Ethet”, fitorja e BB VIP dhe projektet për të ardhmen.
Pas përfundimit të bisedës, ku i ftuar ishte gjithashtu edhe kryetari i sapozgjedhur i Bashkisë së Shkodrës, Benet Beci, Luizi ka bërë një postim në profilin e tij në “Instagram”.
Ejlli ka postuar një fotografi me kreun e qeverisë, ku të dy shfaqen të qeshur.
Por vëmendjen më të madhe e ka marrë shkrimi që ka shoqëruar pozën në fjalë.
“Votoni se cilin dëshironi që të largoni?”, ka shkruar fituesi i BB VIP dhe menjëherë kanë vërshuar pëlqimet dhe komentet.
